काठमाण्डौ,बैशाख १६ । आज साताको अन्तिम कारोबार दिन शुक्रबार नेपाली बजारमा सुनको मूल्य प्रतितोलामा एक हजार दुई सय रुपैयाँले बढेको छ।
नेपाल सुनचाँदी व्यवसायी महासंघका अनुसार आज शुक्रबार छापावाल सुनको मूल्य तोलाको ९९ हजार दुई सय रुपैयाँमा कारोबार भइरहेको छ। बिहीबार सुन तोलाको ९८ हजार रुपैयाँमा कायम भएको थियो।
शुक्रबार तेजावी सुनको मूल्य तोलाको ९८ हजार सात सय रुपैयाँ निर्धारण भएको छ भने चाँदीको मूल्य स्थिर छ ।
बिहीबार एक हजार तीन सय २० रुपैयाँमा कारोबार भएको चाँदी शुक्रबार पनि एक हजार तीन सय २० रुपैयाँमा निर्धारण भएको छ।
प्रकाशित मिति : २०७९ बैशाख १६ गते शुक्रवार
