काठमाडौं, माघ ५ । नेपाल आयल निगमले पेट्रोल, डिजेल र मटि्टतेलको मूल्य बढाएको छ । आज सोमबार राति १२ बजेबाट लागू हुने गरी प्रतिलिटर दुई रूपैयाँका दरले इन्धनको मूल्य बढाइएको नेपाल आयल निगमले जनाएको छ ।
यो मूल्य बढेसंगै अब काठमाडौं उपत्यकामा पेट्रोलको मूल्य प्रतिलिटर ११० रुपैयाँ र डिजल तथा मट्टितेलको मूल्य प्रतिलिटर ९३ रुपैयाँ पर्नेछ। यस्तै हवाई इन्धन तथा एलपी ग्यासको मूल्य भने यथावत राखिएको निगमले जनाएको छ।
प्रकाशित मिति : २०७७ माघ ५ गते सोमवार
