मसुरीया, पुस ३ । राप्ती गाउँपालिकाका बिभिन्न वडाका किसानलाई अनुदानमा च्याउको विउ वितरण गरिएको छ । ७५ प्रतिशत अनुदानामा शुक्रवार कन्ये च्याउको विउ वितरण गरिएको हो । गाउँपालिकाका प्रमुख प्रशासकीय अधिकृत शोभाराम रिजालले किसानलाई विउ हस्तान्तरण गरेका हुन ।
विउको माग गरेका १७ जना किसानलाई ४ सय ग्रामको १ हजार ७ सय ६३ प्याकेट विउ वितरण गरेको कृषि विकास अधिकृत महेश अधिकारीले जानकारी दिए ।
राप्ती गाउँपालिका कृषि शाखाले च्याउ खेतिका लागि कृषकलाई आब्हान गरि छनौटमा परेका कृषकलाई च्याउको विउ वितरण गरेको हो । विउ वितरण गर्दै अधिकृत रिजालले प्राप्त च्याउको बिउबाट उल्लेख्य लाभ लिने गरि काम गर्न किसानलाई आग्रह गरेका थिए ।
प्रकाशित मिति : २०७७ पुष ३ गते शुक्रवार
