सल्यान, असार ४ । सल्यानमा ४५ लाखको लागतमा पर्यटन मार्ग निर्माण थालिएको छ । कपुरकोट ६ सातामुल छाँयानाथ सिनवाङ हुँदै त्रिवेणी गाउँपालिकाको फालावाङ जोड्ने पर्यटन मार्गको बुधबार जनप्रतिनिधिसहितको टोलीले स्थलगत अनुगमन गरेका छन् । कर्णाली प्रदेश सरकारको ४५ लाख अनुदानमा पर्यटन मार्ग निर्माण सुरु भएको निर्माण उपभोक्ता समितिका अध्यक्ष न्यूटन वलीले जानकारी दिए ।
सिनवाङको पर्यटकीय क्षेत्र सातामुलदेखि कुनैदिन ऐतिहासिक फलावाङको पुतली दरबारसम्म भएको स्थान सम्म पर्यटन मार्ग जोडिएको छ ।
कपुरकोट गाउँपालिका अध्यक्ष भिमबहादुर सेनले त्यस अवसरमा उपभोक्ता समितिलाई गुणस्तरिय काम गर्न आग्रह गरेका छन् । अध्यक्ष सेनले सडकको मुखदेखि नै फराकिलो र सफा गर्दै अघि बढ्न आग्रह गरेका थिए । उक्त मार्गले पर्यटन विकाससंगै किसानलाई फाइदा हुने उनको विश्वास छ ।
प्रकाशित मिति : २०७६ असार ४ गते बुधवार
