तुलसीपुर, पुस २५ । तुलसीपुरमा शनिवार भएको खुला ब्याडमिन्टन प्रतियोगितामा मोहन भण्डारी र किशोर चौधरीको जोडी प्रथम भएको छ ।
रोटरी क्लब अफ तुलसीपुर सिटी र रोट्रयाक्ट क्लब अफ तुलसीपुरले संयुक्त रुपमा आयोजना गरेको सप्ताहाब्यापी प्रतियोगिता अन्तरगत फाइनलमा नितन गुरुङ र क्षेत्र भण्डारीको जोडीलाई २१–१३,२४–२२ र २१–१८ अर्थात २–१ को सेटमा पराजित गर्दै मोहन र किशोरको जोडी प्रथम भएको हो ।
त्यस्तै मैत्रिपूर्ण फूटसलमा रोटरी क्लब अफ तुलसीपुर सिटी प्रथम भएको छ ।
फाईनलमा रोट्रयाक्ट क्लब अफ तुलसीपुरलाई सून्यका बिरुद्ध १ गोल अन्तरले पराजित गर्दै रोटरी क्लब प्रथम भएको हो ।
त्यस्तै मैत्रिपूर्ण क्रिकेटमा रोटरी क्लब प्रथम भएको छ ।
फाईनल खेलमा टस जितेर पहिले ब्याटिङ रोजेको रोट्रयाक्टले दिएको १ सय ५९ रन को बिजयी लक्ष्य रोटरी ले १४ ओभरमा पुरा गरेको हो ।
रोट्रयाक्टले ६ बिकेट अन्तरले रोमाञ्चक जित हासिल गरेको हो ।
रोटरी क्लब अफ तुलसीपुर सिटी र रोट्रयाक्ट क्लब अफ तुलसीपुरको सयुक्त आयोजनामा संचालित खेलकुद सप्ताह शनिवार समापन भएको छ ।
आफ्नो वार्षिक कार्यक्रम अन्तरगत दूई संस्था मिलेर खुला ब्याडमिन्टन,मैत्रीपूर्ण फूटसल र क्रिकेट प्रतियोगिता आयोजना गरेका थिए ।
त्यस्तै खेलकुद सप्ताहको समापन समारोह रोटरी क्लब अफ तुलसिपुर सिटीका अध्यक्ष सुरेश हमालको अध्यक्षता र रोटरी क्लबका डिष्ट्रिक थ्रिटू नाईनटू कुशल तर्तालको प्रमुख आतिथ्यमा भएको हो ।
कार्यक्रममा रोटरी क्लबका पाष्ट प्रिसिडेन्ट तुफान बाबू श्रेष्ठ , अनुपकुमार श्रेष्ठलगाएतकाले मनतब्य व्यक्त गरेका थिए ।
रोट्रयाक्ट क्लब तुलसीपुरका अध्यक्ष प्रमिस लामिछानेको स्वागत मनतब्यबाट सुरु भउको कार्यक्रममा बिजेता खेलड हरु लाई ट्रफी तथा प्रमाणपत्र प्रदान गरिएको थियो ।
कार्यक्रमको सहजीकरण रोटरी क्लब अफ तुलसीपुर सिटीका महासचिव देबेन्द्र केसीले गरेका हुन ।
