काठमाडौं,जेठ १ । नेपाल आयल निगमले पेट्रोलियम पदार्थको मूल्य घटाएको छ ।
निगमको सञ्चालक समितिले बिहीबार राति १२ बजेबाट लागू हुनेगरी पेट्रोलियम पदार्थको मूल्य घटाएको हो ।
निगमले इण्डियन आयल कर्पोरेशनबाट पेट्रोल, डिजेल र मट्टितेलको मूल्य घटेर आएकाले मूल्य समायोजन गरिएको जनाएको छ ।
निगमका अनुसार पेट्रोलमा प्रतिलिटर १ रूपैयाँ तथा डिजेल र मट्टितेलमा ३ रूपैयाँले मूल्य घटाइएको छ ।
नयाँ मुल्य अनुसार अब पेट्रोल प्रतिलिटर पहिलो वर्गमा १५४.५०, दोस्रोमा १५६ र तेस्रोमा १५७ रूपैयाँ भएको छ भने डिजेल पहिलो वर्गमा १३९.५०, दोस्रोमा १४१ र तेस्रोमा १४२ रूपैयाँ भएको छ ।
प्रकाशित मिति : २०८२ जेष्ठ २ गते शुक्रवार
