हेटौँडा ,माघ ३ । बागमती प्रदेशसभाकी नवनिर्वाचित उपसभामुख अप्सरा चापागाईंले पद तथा गोपनीयताको शपथ ग्रहण गरेकी छिन् ।
उपसभामुख चापागाईंले मंगलबार प्रदेश प्रमुख कार्यालय हेटौँडामा प्रदेश प्रमुख यादवचन्द्र शर्माको उपस्थितिमा शपथ ग्रहण गरेकी हुन्।
उनलाई प्रदेशसभाका सभामुख भुवन कुमार पाठकले शपथ ग्रहण गराएका हुन् ।
सोमबार बसेको प्रदेशसभा बैठकमा भएको निर्वाचनमा सत्तारुढ गठबन्धनका तर्फबाट एमालेकी उम्मेदवार चापागाईं ६१ मत प्राप्त गरि निर्वाचित भएकी थिइन् ।
उपसभामुख चापागाईंले आजै पदभार ग्रहण गर्नेछिन ।
प्रकाशित मिति : २०७९ माघ ३ गते मङ्गलवार
