तुलसीपुर,चैत २५ । नेपाली काँग्रेसका केन्द्रीय सदस्य तथा दाङ क्षेत्र नं. ३ बाट निर्वाचित संघीय सांसद दीपक गिरीले सुशासन अहिलेको महत्वपूर्ण आवश्यकता भएको बताएका छन् ।
आइतबार दाङको तुलसीपुरमा नेपाल थारु संघको प्रथम अधिबेशनलाई सम्बोधन गर्दै पूर्व मन्त्रीसमेत रहेका नेता गिरीले अहिले जनतामा ब्याप्त निराशा अन्त्यका लागि सुशासनका साथै बिकास अति आवश्यक रहेको बताएका हुन ।
जिल्लाको बिकासको लागि बिगतमा आँफुले गरेको योगदानको चर्चा गर्दै संघीय सांसद गिरीले यतिखेर तुलसीपुर – घोराही चार लेन सडक निर्माणका लागि ठेक्का निकट भविश्यमै हुने बताए ।
त्यस्तै उनले तुलसीपुरस्थित टरिगाउँ एयरपोर्टको धावन मार्ग बिस्ताका लागि आँफु लागेको लाग्यै रहेको हुँदा नआत्तिन उनले आग्रह गरेका थिए ।
प्रकाशित मिति : २०८१ चैत्र २५ गते सोमवार
