दाङ, मंसिर १० । रुकुम पश्चिममा चक्कु प्रहार गरि बाबुको हत्या गरेका फरार छोराको खोजीका लागि प्रहरी परिचालन गरिएको छ ।
रुकुम पश्चिमको आठबिसकोट नगरपालिका – १० घारीखोलाका २० बर्षीय वीरबहादुर खत्रीले बुवा ५० वर्षीय दर्वे खत्रीको पेटमा आइतरबार बेलुकी घरमै चक्कु प्रहार गर्दा घटनास्थलमै मृत्यु भएको थियो । चक्कु प्रहार पछि उनी फरार भएका थिए ।
जिल्ला प्रहरी प्रमुख डिएसपी नबराज पोख्रेलले फरार बीरबहादुरको खोजीको लागि प्रहरी परिचालन गरिएको बताए ।
‘ बाबुको हत्या गरि फरार भएका छोराको खोजीका लागि ब्यापक रुपमा प्रहरी परिचानल गरिएको छ,’ डिएसपी पोख्रेलले भने ‘ फरार ब्यक्ति लागु औषध सेवन कर्ता भएको पनि खुलेको छ ।’
लागुऔषध सेवन कर्ता छोराले सोही किन्न पैंशा माग्दा नदिए पछि एकाएक बुवाको पेटमा चक्कु प्रहार गरेको भन्ने खुलेको प्रहरी अधिकारीहरुले जानकारी दिएका छ्न ।
हत्या आरोपी बीरबहादुरको खोजी भइ रहेको प्रहरीले बताएको छ ।
