घोराही, असार १८ । घोराहीमा बिद्यार्थीले बोट बिरुवा रोपेका छन् ।
घोराहीको ज्योतिपुञ्ज आवासिय माध्यमिक विद्यालय र रामपुरमा रहेको ज्योतिपुञ्ज मोडेल इङ्लिस स्कुलमा अध्ययनरत विद्यार्थीले विरुवा रोपेका हुन ।
एक विद्यार्थी दुई बिरुवा रोप्ने र संरक्षण गर्ने विद्यालयको बार्षिक कार्यक्रम अनुसार बिरुवा प्रदान गरिएको थियो ।
डिभिजन वन कार्यालय दाङको एक घर दुई वृक्ष,शहर हाम्रो बनाउ स्वच्छ कार्यक्रम र विद्यालयको एक विद्यार्थी दुई विरुवा,संरक्षण गरौं पानीको मूल र संरक्षण गरौं भन्ने कार्यक्रम अनुसार मंगलबार दुवै विद्यालयमा अध्ययनरत एक हजार आठ सय बढी विद्यार्थीलाइ विरुवा वितरण गरिएको थियो । विद्यार्थीले ती बिरुवा आफ्नो घर वरपर रोपेका छन । बृक्षारोपणका लागि बजार क्षेत्रका विद्यार्थीलाई सौन्दर्यवद्र्धक बिरुवा र गाउँमा फराकिलो धेरै जग्गा हुनेहरुका लागि जडिबुटी जन्य र वनजन्य बिरुवा दिइएको थियो ।
विद्यालयबाट प्राप्त बिरुवा विद्यार्थीले अभिभाकको सहयोगमा रोपेका छन । रोपिएका बिरुवा संरक्षण गर्ने काममा पनि विद्यार्थीले चासोका साथ लागेको अभिभावकले बताएका छन ।
प्रकाशित मिति : २०८१ असार १९ गते मङ्गलवार
