दाङ,फागुन २४ । दाङमा एकजना महिलाको घाँटीमा मासु अड्किएर मृत्यु भएको छ । घोराही उपमहानगरपालिका वडा नं. १७ पनौरा निवासी ५३ बर्षीया टिका भट्टराईको घाँटीमा मासु अड्किएर मृत्यु भएको हो ।
जिल्ला प्रहरी कार्यालय दाङका प्रमुख एवं एसपी बेलबहादुर पाण्डेका अनुसार विहीवार दिउँसो पौने ४ बजेतिर गाउँकै अनन्त रेग्मीको छोराको विहेभोजमा मासुखाने क्रममा भट्टराईको घाँटीमा मासु अड्किएको थियो ।
लगतै भट्टराईलाई घोराहीस्थित राप्ती स्वास्थ्य विज्ञान प्रतिष्ठानमा लगिएको थियो । उपचारको क्रममा भट्टराईलको साढे ५ बजेतिर मृत्यु भएको प्रहरीले जानकारी दिएको छ ।
प्रकाशित मिति : २०७५ फाल्गुन २४ गते शुक्रवार
