काठमाण्डौ,बैशाख १८ । पछिल्लो २४ घण्टामा नेपालमा २० जनामा कोरोना भाइरसको सङ्क्रमण पुष्टि भएको छ ।
पीसीआर र एन्टिजेन गरी तीन हजार दुई सय २२ जनाको नमुना परीक्षण गर्दा २० जनामा सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ ।
थप २७ जना सङ्क्रमित निको भएसँगै कोरोना भाइरसका सक्रिय सङ्क्रमितको सङ्ख्या दुई सय २१ जनामा झरेको छ । २४ घण्टामा कोरोना सङ्क्रमणका कारण कसैको पनि ज्यान गएन ।
यही अवधिमा २९ हजार पाँच सय ७४ जनाले कोरोनाविरुद्धको खोप लगाएका विवरण प्राप्त भएको मन्त्रालयले जनाएको छ ।
प्रकाशित मिति : २०७९ बैशाख १८ गते आइतवार
