काठमाडौं, पुस ६ । नेपाली कांग्रेसको १४औं महाधिवेशन अन्तर्गत महिला खुला केन्द्रीय सदस्यको अन्तिम मत परिणाम सार्वजनिक भएको छ।
जसमा डिला संग्रौलाले सबैभन्दा धेरै २ हजार ८ सय ८५ मत प्राप्त गरि निर्वाचित भएकी छन् ।
कुल ४ हजार ६७९ मत खसेकोको थियो ।
त्यसपछि क्रमश पुष्पा भुसालले २ हजार ७ सय १८ र प्रधानमन्त्री तथा पार्टी सभापति शेरबहादुर देउवा पत्नि आरजु राणा देउवाले २ हजार ५ सय ३६ मत प्राप्त गरि निर्वाचित भएकी छन् ।
चौथो स्थानमा अम्बिका बस्नेत २ हजार ३ सय ३९, पाँचौंमा ईश्वरी न्यौपाने २ हजार २ सय ५९, छैठौंमा सरिता प्रसाईं २ हजार ९६, सातौंमा रमा कोइराला पौडेल १ हजार ८ सय ५८ मतसहित, आठौंमा सुशीला ढकाल आचार्य १ हजार ८ सय ८ र अन्तिममा रंगमती शाही १ हजार ७ सय ८९ मत प्राप्त गरि बिजयी भएका हुन ।
महिला खुला केन्द्रीय सदस्यमा ३० जनाको उम्मेदवारी परेको थियो। तर, यसमा नौ जना मात्रै निर्वाचित हुने काँग्रेसको बिधानमा ब्यबस्था गरिएको छ ।
निर्वाचित नौ जना मध्य आठ जना सभापति शेरबहादुर देउवा पक्षका हुन भने कोइराला पक्षबाट एक जना सरिता प्रशांई मात्रै निर्वाचित भएकी छन् ।
