सुर्खेत, कात्तिक १५ । कर्णाली प्रदेशका मुख्यमन्त्री महेन्द्रबहादुर शाहीले पदबाट राजीनामा दिने घोषणा गरेका छन् । नेकपा माओवादी केन्द्र नेता समेत रहेका शाहीले सोमबार प्रदेशबासीको नाममा सम्बोधन गर्दै राजीनामा घोषणा गरेका हुन ।
वैशाख २ गते नेपाली कांग्रेस र माओवादी केन्द्रबीच कर्णाली प्रदेशमा आलोपालो सरकार सञ्चालन गर्ने सहमति भएको थियो।
उक्त सहमतिमा बढीमा कात्तिक १५ गतेसम्म माओवादीले सरकारको नेतृत्व गर्ने र त्यसपछि कांग्रेसले नेतृत्व लिने सहमति भएको थियो । सोही सहमतिका लागि शाहीले मुख्यमन्त्री पदबाट राजीनामा घोषणा गरेका हुन ।
शाहीको राजीनामा घोषणासँगै नेपाली कांग्रेस प्रदेश संसदीय दलका नेता जीवनबहादुर शाही मुख्यमन्त्री बन्ने निश्चित जस्तै भएको छ ।
प्रकाशित मिति : २०७८ कार्तिक १५ गते सोमवार
