तुलसीपुर, बैशाख १४ । तुलसीपुरका एक चर्चित फूटबल खेलाडी भानु राणाको निधन भएको छ ।
दाङ जिल्ला फुटबल संघका बरिष्ठ जिल्ला उपाध्यक्ष समेत रहेका राणाको बुधबार उपचारका क्रममा भक्तपुर क्यान्सर अस्पतालमा मृत्यु भएको पारिवारीक स्रोतले जानकारी दिएको छ ।
तुलसीपुर उपमहानगरपालिका वडा नं. १० गोलौरी निवासी राणा एक चर्चित फूटलर हुन । डिफेन्सबाट खेल्ने राणा, जिल्ला, अञ्चल हुँदै मध्यपश्चिमबाट समेत छनोट भइ राष्ट्रियता प्रतियोगिता खेलका खेलाडी हुन । नेपाल तरुण दलका नेता राणा बिभिन्न सामाजिक संघ संस्थामा समेत आवद्ध थिए ।
युवामाझ लोकप्रिय राणालाई फूटबल खेल्दा लागेको चोटका कारण क्यान्सर बल्झिएको एक आफन्तले बताए । गत बर्षदेखि उनको स्वास्थ्यमा समस्या देखिएको थियो ।
फुटवल क्षेत्रको एउटा चम्किलो तारा गुमायौं – श्रेष्ठ
दाङ जिल्ला फुटबल संघका अध्यक्ष सुशील श्रेष्ठले बरिष्ठ उपाध्यक्ष भानु राणालाई गुमाउनु पर्दा संघलाई अपुरणिय क्षति पुगेको बताएका छन् ।
‘हामीले एउटा असल फुटबल प्रेमी, फुटवल क्षेत्रका एउटा चम्किलो तारा र होनाहार खेलाडी गुमाएका छौं,’ अध्यक्ष श्रेष्ठले भने ‘जिल्ला फुटबल संघ आफ्नो एउटा बलियो खम्बा र गुमाउनु पर्दा मर्माहत बनेको छ ।’
अध्यक्ष श्रेष्ठले दाङका हरेक फुटबल प्रेमीहरुका लागि यो एउटा निकै अप्रत्यास र दुःखद खबर भएको धारणा राखे ।
जिल्लाको फुटबल बिकाशमा बरिष्ठ उपाध्यक्ष राणाले एउटा कुशल खेलाडीका रुपमा निर्वाह गरेको भूमिकादेखि संस्थाको बिकाशमा पु¥याएको योगदान अबिस्मरणिय रहने तर्क गरे ।
Corona ko bigbigi 6 . Careless nabanau