बुटवल, माघ १५ । नेपाल कम्युनिष्ट पार्टी (नेकपा) प्रचण्ड – नेपाल समुहका अध्यक्ष पुष्पकमल दाहाल ‘प्रचण्ड’ले केपी शर्मा ओलीमा श्री ३ महाराज बन्ने मानसिकता देखिएको बताएका छन् ।
प्रतिनिधिसभा विघटन विरुद्ध बिहीवार बुटवलमा आयोजित विरोधसभालाई सम्बोधन गर्दै प्रचण्डले प्रधानमन्त्री ओली जस्ता निरंकुश सोच बोकेका व्यक्तिलाई लुम्बिनीले धारासायी बनाउने बताए ।
केपी ओलीले लोकतन्त्रको हत्या गर्दै र श्री ३ महाराजधिराज बन्ने सपना देखेको दोषारोपन गरे । ‘केही महिनाभित्रै केपीको स्वेच्छाचारिता अन्त्य हुने छ,’ प्रचण्डले भने ‘ त्यसपछि नयाँ युगको सुरुवात हुने छ ।’प्रचण्डले पार्टी एकताको मर्म विपरित तीन बर्षमै एकता तोडेको बताए ।
प्रकाशित मिति : २०७७ माघ १५ गते बिहिवार
