दाङ, पुस १० । राजनीति पुनरागमन भए लगतै पूर्व सभामुख कृष्णबहादुर महरालाई नेपालका लागि चिनियाँ राजदुत होउ यान्छीसंग भेटघाट गरेकी छन् ।
यान्छीले शुक्रबार महरा निवास खुमलटार पुगेर समसामयिक बिषयमा छलफल गरेकी हुन ।नेपाल कमन्युष्ट पार्टी (नेकपा) बिभाजन भएपछि राजनीतिमा उदाएका महरासंग राजदुतले भेट्नुलाई राजनीतिक बृत्तमा महत्वका साथ हेरिएको छ ।
वर्तमान प्रधानमन्त्रीले एकलौटी रुपमा संसद विघटनपछि दूई भागमा विभाजित भएको नेकपा भित्र राजनीतिक सरगर्मी बढिरहेका समयमा चिनियाँ कमन्युष्ट पार्टीसंग नजिक देखिने महराले गरेको भेटघाटलाई अर्थपूर्ण रुपमा हेरिएको छ ।
नेकपाको विवाद मिलाउन पटक÷पटक भूमिका खेलेकी राजदुत यान्छीले नेकपाको पुनः एकता र त्यसका लागि महराको पहलका बारेमा जिज्ञासा राखेकी थिइन ।जवाफमा महराले आफू अझैपनि पार्टी एकता कै पक्षमा रहेको र अझै एकताका लागि आफुले पहल गर्ने बताएका थिए ।
