काठमाडौं,मंसिर ३० । राष्ट्रपति विद्यादेवी भण्डारीले संवैधानिक परिषद सम्बन्धी अध्यादेश जारी गरेकी छन ।
उनले मंगलबार दिउँसो परिषदको काम, कर्तव्य, अधिकार र कार्यविधिसम्वन्धी अध्यादेश जारी गरेकी हुन ।
जारी अध्यादेशमा के छ रु भन्ने विषय सार्वजनिक भइसकेको छैन।
गणपुरक संख्या पुर्याउन नसकेपछि प्रधानमन्त्री केपी शर्मा ओलीले अध्यादेशबाट बाटो फुकाएको हुनसक्ने अनुमान गरिएको छ।
प्रधानमन्त्रीले यसअघि पटक÷ पटक परिषद्को बैठक डाकेपनि गणपुरक संख्या पुर्याउन सकेका थिएनन् ।
सभामुख अग्नि सापकोटा अनुपस्थित भएपछि मंगलबार बिहान डाकिएको बैठक पनि स्थगित भएको थियो।
यसैबीच प्रधानमन्त्री ओलीले मंगलवार साँझ ५ बजेका लागि परिषद्को बैठक आह्वान गरेका छन् ।
प्रधानमन्त्रीको अध्यक्षतामा रहने संवैधानिक परिषदमा प्रमुख विपक्षी दलका नेता, प्रधानन्यायाधीश, सभामुख, राष्ट्रियसभाका अध्यक्ष र उपसभामुख सदस्य रहने प्रावधान छ ।
संवैधानिक परिषद् बैठक बस्न अध्यक्ष र अन्य ४ जना उपस्थित हुनुपर्ने व्यवस्था छ।
हाल उपसभामुख पद रिक्त छ भने सभामुख अग्नि सापकोटा बैठकमा गएका छैनन् ।
