तुलसीपुर, मंसिर २६ । दाङको तुलसीपुरमा सञ्चालित जिल्ला स्तरिय कबडी प्रतियोगिताको उपाधि पब्लिक ज्ञान ज्योती स्कुल तुलसीपुरले जितेको छ । दाङ जिल्ला कबडी संघको आयोजनामा भएको प्रतियोगिता अन्तरगत शुक्रबारको फाईनल खेलमा युथ कबडी टिम तुलसीपुरलाई २६ का बिरुद्ध ४९ अंकको स्कोरले पछि पार्दै उस्ले उपाधि जितेको हो ।
यो जितसंगै उस्ले नगद १२ हजार ट्रफी, मेडलपनि प्राप्त गरेको छ । त्यस्तै उपबिजेता युथ कबडी संघ तुलसीपुरले नगद सात हजार,मेडल प्रमाणपत्रमा चित्त बुझाउनु परेको छ ।प्रतियोगिता अन्तरगत घोराही एफए र रोजिबड्र्स स्कुल लमही तृतिय भए ।
स्थानी स्तरमा कबडी खेलको पहुँच अभिवृद्धि गर्न र आपसी भाईचारा स्थापित गर्ने उदेश्यका साथ प्रतियोगिता आयोजना गरिएको आयोजक संस्थाले जनाएको छ । प्रतियोगितमा ७ टिमले प्रतिपर्धा गरेका थिए ।
प्रतियोगिताको समापन समारोह दाङ जिल्ला कबडी संघका अध्यक्ष रोशन वलीको अध्यक्षता र तुलसीपुर उपमहानगरपालिका वडा न ५ का सदस्य कुमारी साबित्रा गुरुङको प्रमुख आतिथ्य भएको सुजन थापाले जानकारी दिए ।
