सिन्धुली, असोज १९। सिन्धुलीका निजी विद्यालयहरुले लकडाउनको समयमा बन्द भएको पाँच महिनाको सबै शुल्क छुट गरेका छन । निजी तथा आवासीय विद्यालय एसोसियशन नेपाल (प्याबसन) सिन्धुलीले पत्रकार सम्मेलन गरेर गएको वैशाखदेखि भदौ महिनासम्मको शुल्क छुट गरेको घोषणा गरेको हो । प्याब्सन सिन्धुली जिल्लामा ३३ वटा निजी विद्यालय आबद्ध रहेका छन् ।
देशमा कोरोना महामारीले सबै क्षेत्र तहसनहस भइरहेको बेला देशका अरु विद्यालयलाई सन्देश दिने गरी सिन्धुलीले नमुना काम गरेको प्याब्सन सिन्धुलीका अध्यक्ष राजेश मास्केले बताए ।
लकडाउनका बेला पनि निजि विद्यालयले रेडियो कार्यक्रम,अनलाइन कक्षा र होमवर्क दिने जस्ता वैकल्पिक शिक्षाका गतिविधि गरी रहेको बताए ।
प्रकाशित मिति : २०७७ असोज १९ गते सोमवार
