शंकर केसी,
सल्यान, जेठ ३१ ।समूहमा आवद्ध भएर सल्यानका किसानले बाख्रा पालन ब्यवशायबाट मनग्य आम्दानी लिन सफल भएका छन् । गत साउन यता जागृती मिस्रित बाख्रापालन समिति कपुरकोट ३ का किसानहरुले २५ लाख भन्दा बढी आम्दानी गर्न सफल भएका छन् । बाख्रापालन समितिका अध्यक्ष तारासिंह खड्काले आफ्नो समिति अन्तर्गत ५ वटा समूहहरु रहेको र समूहका सदस्यहरुले खसी, बोका विक्रिबाट २५ लाख बढी आम्दानी गरेको जानकारी दिए ।
२०७३ सालमा गठन भएको समितिमा हाल ६० जना सदस्यहरु छन् ।गत फागुन यता समूहका किसानहरुले ९२ वटा खसी विक्रि गरेका छन् । त्यसबाट १३ लाख भन्दा बढी आम्दानी गर्न सफल भएको समितिका सामाजिक परिचालक बालिका सेनले बताइन । पशु पालन ब्यवशायका लागि सल्यान उत्तम स्थान मानिन्छ ।
५ वटा समूहमा हाल १ हजार ३ सय बाख्रा पालेका छन् ।१ सय ५० खसी तथा माउ, बाख्रा र पाठापाठीको संख्या १ हजार १ सय ५० रहेको छ । समूहका किसानले १ सय ५४ वटा गाई र भैंसीपनि पालेका छन् ।
