दाङ, चैत २३ ।
रोल्पामा २४ बर्ष अघिको फैसला कार्यान्वय गर्ने क्रममा ८१ बर्षीय बृद्ध फक्राउ पछि कारागार चलान गरिएका छन् ।
२४ बर्ष अघि ४ बर्ष कैद तोएिका ८१ बर्षीय बृद्ध पक्राउ पछि कारागार चलान गरिएको छ । जिल्लाको थवाङ गाउँपालिका – ४ थापल खर्कका ८१ बर्षीय कुलबहादुर घर्ती आगुऔषध मुद्दामा शनिबार राति घरबाटै पक्राउ गरिएका थिए ।
जिल्ला प्रहरी प्रबक्ता प्रहरी निरीक्षक सुनिल थापा नेपालीका अनुसार घर्ती बिरुद्धको लागुऔषध मुद्दामा जिल्ला अदालतले २०५९/११/१८ गते ४ बर्ष कैद र २५ हजार जरिवानाको फैसला सुनाएको थियो । त्यसयता घर्ती फरारको सूचीमा थिए ।
फरार प्रतिबादी खोजी गर्ने क्रममा झन्डै २४ बर्ष पछि चैत २१ गते राति पौने १० बजेतिर घर्तीलाई प्रहरीले घरबाटै नियन्त्रणमा लिएको प्रहरी निरीक्षक नेपालीले बताए ।
पक्राउ परेका घर्तीलाई आइतबार अदालतमा पेश गरिएको र अदालतको आदेशले तोकिएको ४ बर्षको सजाय भुक्तानी गर्नका लागि आइतबार कारागार कार्यालय रोल्पामा चलान गरिएको प्रहरी प्रबक्ता नेपालीले जानकारी दिए ।
