तुलसीपुर,फागुन २२ । लुम्बिनी प्रदेशका ट्राफिक प्रहरी प्रमुख कृष्ण प्रसाईले प्रदेशका प्रमुख शहरमा सवारी साधन पार्किङका लागि स्थानीय सरकारसंग समन्वय गरिरहेको बताएका छन ।
रिपोर्टस् क्लब नेपाल दाङ शाखाले सोमबार तुलसीपुरमा आयोजना गरेको साक्षात्कार कार्यक्रममा बोल्दै प्रमुख प्रसाईले यस्तो बताएका हुन । ।
रिपोर्टस् क्लब नेपाल दाङ शाखाका अध्यक्ष शरद रेग्मीको अध्यक्षतामा भएको कार्यक्रममा बोल्दै प्रदेश ट्राफिक प्रहरी प्रमुख प्रसाईले तीब्र गति र मदिरा सेवन गरेर सवारीका साधन चलाउने कार्यले सडक दुर्घटनामा बृद्धि भएको बताए ।
उनले लुम्बिनी प्रदेशमा रुपन्देही, बाँके र दाङमा बढी सवारी दुर्घटना हुने जानकारी समेत दिए । ।
कार्यक्रममा जिल्ला ट्राफिक प्रहरी कार्यालय दाङका प्रमुख किरणप्रकाश मल्लले अटोका कारण बढी सवारी दुर्घटना हुने गरेको बताए ।
स्थानीय सरकारले समेत सुचीकरण र ब्यबस्थापनमा ध्यान दिएको भए पनि सडकमा अटोका कारण बढी दुर्घटना हुने गरेको बताए ।
साक्षात्कार कार्यक्रमको सहजीकरण रिपोर्टस क्लबका महासचिब बिमल गौतमले गरेका थिए ।
