दाङ,असार ४ । दाङबाट गएको ट्रक सुर्खेतमा ट्रक दुर्घटना हुँदा दुई जनाको मृत्यु भएको छ।
मृत्यु हुनेमा ट्रका चालक रुकुम पश्चिमको आठबिसकोट नगरपालिका – ११ का २४ वर्षीय भीमबहादुर नेपाली र जाजरकोट नलगाढ नगरपालिका – १२ बस्ने २४ वर्षेकै मिलन गुरूङ रहेका छन् ।
शनिबार बिहान ना ४ ख ९७६१ नम्बरको मालबाहक ट्रक सुर्खेतको गुर्भाकोट नगरपालिका –९ स्थित भालुखोला चौपारी डाँडामा दुर्घटनामा परेको थियो ।
जसमा परि उनीहरु दुबै जना च्यापिएका थिए । ट्रकमुनी च्यापिएका उनीहरुको प्रहरीले क्रेनको मद्दतबाट शव निकालेको थियो ।
ट्रक सडकभन्दा ५० मिटर तल खसेको थियो। दाङबाट सिमेन्ट र छड बोकेर जाजरकोटका लागि छुटेको थियो ।
प्रकाशित मिति : २०७९ असार ४ गते शनिवार
