हुम्ला,कात्तिक २६ । हुम्लामा दुई दिनदेखि हवाई सेवा अवरुद्ध भएको छ।
खराब मौसमका कारण हवाई सेवा अवरुद्ध भएको नागरिक उड्ड्यन प्राधिकरण सिमकोट शाखाका प्रमख महेन्द्र बहादुर सिंहले जानकारी दिए।
हवाई सेवा अवरुद्ध हुँदा तिहार मनाउन गन्तव्यतर्फ जानुपर्ने यात्रु मर्कामा परेका छन्। शनिबार बिहानैदेखि वर्षा भएपछि उडान प्रभावित भएको हो। आइतबार मौसम खुले पनि हावा चलेका कारण उडान हुन सकेको छैन।
हुम्लाबाट नेपालगञ्ज जानुपर्ने टिकट काटिसकेका ५० जना यात्रु सिमकोटमै रोकिएका छन्।
हुम्ला आउनुपर्ने यात्रु पनि नेपालगञ्जमै रोकिएका छन्।
प्रकाशित मिति : २०८० कार्तिक २६ गते आइतवार
