कैलाली,कात्तिक १० । कैलालीको मुडामा नदीमा नुहाउने क्रममा दुईजना बालकको डुबेर मृत्यु भएको छ।
ईलाका प्रहरी कार्यालय सुखडका अनुसार बर्दगोरीया गाउँपालिका वडा नं. ६ का दीपक मल्लका ६ वर्षका छोरा दिपसन मल्ल र सोही ठाउँका योगेन्द्र मल्लका ७ वर्षका छोरा आयुष मल्लको बिहीवार साँझ नदीमा डुबेर मृत्यु भएको हो।
उनीहरु साँझ साढे ५ बजेतिर बर्दगोरीया गाउँपालिका वडा नम्बर ६ स्थित काँडा नदीमा नुहाउन गएका थिए। उनीहरुको शव नदीको पानी जमेको गहिरो भागमा भेटिएको प्रहरीले जनाएको छ।
ईलाका प्रहरी कार्यालय सुखडका प्रहरी नायब उपरिक्षक बिरबहादुर विकले मृतक बालकद्वयको शव पोष्टमार्टमका लागि टीकापुर अस्पताल पठाईएको बताए।
प्रकाशित मिति : २०८० कार्तिक १० गते शुक्रवार
