बाँके,असोज २५ । बाँके प्रहरीले १४ वर्षीय किशोरसहित चार जनालाई लागु औषध ब्राउनसुगरसहित पक्राउ गरेको छ।
इलाका प्रहरी कार्यालय, धनौली खजुराको टोलीले खजुरा गाउँपालिका– ६, सिमलघारीबाट १४ वर्षीय किशोर र २० वर्षीय कालु सुनारलाई सय मिलिग्राम ब्राउनसुगरसहित पक्राउ गरेको हो।
प्रहरीले सिमलघारीबाटै दुई ग्राम ५ सय मिलिग्राम ब्राउनसुगरसहित २३ वर्षीय मनोज बस्याल र २४ वर्षीय बादल नेपालीलाई पक्राउ गरेको छ।
लागुऔषधको कारोबार भइरहेको छ भन्ने सूचनाका आधारमा प्रहरी त्यहाँ पुगेको थियो। बाँकेका बालक र किशोर लागुऔषध र चोरीमा बढी फेला समातिने गरेका छन्।
प्रकाशित मिति : २०८० असोज २५ गते बिहिवार
