जुम्ला,भदौ १७ । जुम्लाको सिंजामा जीप दुर्घटना हुँदा दुई जनाको मृत्यु भएको छ।
कनकासुन्दरी गाउँपालिका-४ गोडिज्यूलाबाट मुगु जाँदै गरेको भे १ ज १०९९ नम्बरको जीप आइतबार बिहान दुर्घटना भएको इलाका प्रहरी कार्यालय, हाडसिँजाले जनाएको छ।
प्रहरीका अनुसार जीप सडकबाट करिब तीन सय मिटर तल खसेको थियो। जीपमा चालक र सहचालक मात्रै रहेको प्रहरीले जनाएको छ।
दुवैजनाको सनाखत हुन सकेको छैन। घटनाको विस्तृत विवरण आउन बाँकी नै छ।
प्रकाशित मिति : २०८० भाद्र १७ गते आइतवार
