घोराही, फागुन २४ । दाङमा करेन्ट लागेर एकजनाको मृत्यु भएको छ । तुुलसीपुुर उपमहानगरपालिका–१८ विजौरीमा करेन्ट लागेर सल्यानको कपुुरकोट गाँउपालिका–५ पाङराङका दिपेशकुमार विकको मृत्यु भएको हो ।
विजौरीमा निर्माणाधिन घरमा आल्मुनियमको पाइप जडान गर्दै गरेको बेला पाइपले घर नजिकैको विद्युतको हाइभोल्टेजको तार छुदा करेन्ट लागेको थियो । ११ हजार भोल्टेजको करेन्ट लागेर गम्भीर घाइते भएका विकको उपचारको क्रममा मृत्यु भएको प्रहरीले जनाएको छ ।
मृतक विकको शव पोष्टमार्टमका लागि तुलसीपुरको राप्ती प्रादेशिक अस्पतालमा राखिएको आफन्त जीवन नेपालले जानकारी दिए ।
प्रकाशित मिति : २०७५ फाल्गुन २४ गते शुक्रवार
