काठमाडौं ,असोज ४ । संयुक्त राष्ट्रसंघको ८१औँ महासभामा भाग लिन परराष्ट्रमन्त्री शिशिर खनाल अमेरिकाको न्युयोर्क प्रस्थान गरेका छन्। उनी आइतबार साँझ त्रिभुवन अन्तर्राष्ट्रिय विमानस्थल हुँदै त्यसतर्फ उडेका हुन्।
महासभाको उच्चस्तरीय सत्रका अतिरिक्त मन्त्री खनालले न्युयोर्कमा आयोजना हुने विभिन्न मन्त्रीस्तरीय बैठक तथा साइड इभेन्टहरूमा नेपालको प्रतिनिधित्व गर्नेछन्।
भ्रमणका क्रममा उनले विभिन्न मित्रराष्ट्रका प्रतिनिधि तथा उच्चस्तरीय अधिकारीहरूसँग साइडलाइन भेटवार्ता गर्ने तय भएको छ।
ती अन्तर्राष्ट्रिय मञ्चहरूमा मन्त्री खनालले नेपालको राष्ट्रिय हित र सरोकारका विषयमा औपचारिक धारणा राख्ने कार्यक्रम रहेको छ।
प्रकाशित मिति : २०८३ असोज ४ गते आइतवार
