दाङ, चैत ३ ।सुर्खेतस्थित भेरी नदीमा मंगलबार बिहान ११ बर्षीया आशा कठायतको शबपनि फेला परेको छ । गुर्भाकोट गाउँपालिका – १३ भमकास्थित नदी किनारका आशाको शब फेला परेको हो ।
सोमबार बेलुकी उनकी ३८ वर्षीया आमा माया कठायतको शव फेला परेको थियो । ५ बर्षीया दीपक कठायतको अवस्था अज्ञात छ । उनीहरु सुर्खेतको गुर्भाकोट गाउँपालिका–१२ पिप्लेका हुन ।
माया दुई सन्तानसहित जिल्लाकै लेकबेसी नगरपालिका – ३ पटारेस्थित काकाको घरमा तीन दिनअघि गएकी थिइन ।
माया आइतबार बिहानै काकाको घर बाट आफ्नो घर फर्किदै गर्दा बेपत्ता भएकी थिइन ।
घरदेखि करिब ३ किलोमिटर टाढा भेरी नदीको किनारमा मायाले प्रयोग गर्ने सल, मोवाइल फोन, चप्पल र झोला फेला परेको थियो । त्यसपछि मायाले सन्तानसहित भेरी नदीमा प्रबेश गरेको आशंकामा खोजी सुरु भएको थियो ।
मायाको शब सोमबार बेलुकी लेकबेसी – ३ स्थित भेरी नदीको खाँेचमा फेला परेको हो ।
मायाका श्रीमान ३७ वर्षीय भूपेन्द्र कठायत घरमै छन् ।
श्रीमान – श्रीमतिका बीचमा घर झगडा भएपछि माया आफ्ना दुई सन्तानसहित काकाको घरमा पुगेको र त्यहाँबाट फर्किने क्रममा नदीमा प्रबेश गरेको आशंका भइ रहेको छ ।
घटनाबारे अनुसन्धान जारी रहेको प्रहरीले बताएको छ ।
