दाङ, फागुन २९ । निर्वाचन आयोगले प्रतिनिधि सभा निर्वाचनको समानुपातिकतर्फको सिट बाँडफाँट गरेको छ।
आयोगले तोकेको तीन प्रतिशत थ्रेसहोल्ड कटाएका ६ राजनीतिक दललाई समानुपातिक सिट निर्धारण गरि बाँडफाँड गरिएको हो ।
समानुपातिक तर्फपनि सबैभन्दा धेरै राष्ट्रिय स्वतन्त्र पार्टीले ५७ सिट पाएको छ । त्यसपछि नेपाली कांग्रेसले २० सिट जितेको छ ।
क्रमिक रुपमा नेकपा एमालेले १६, नेपाल कम्युनिष्ट पार्टीले ९ र श्रम संस्कृति पार्टी र राष्ट्रिय प्रजातन्त्र पार्टीले समान ४–४ सिट पाएका छन् ।
समानुपातिक तर्फ १ करोड १२ लाख ८० हजार ६ सय १७ मत खसेको थियो । त्यसमध्य १ करोड ८ लाख ३५ हजार २५ मत सदर भएको थियो ।
त्यस्तै प्रत्यक्षतर्फ १ करोड ११ लाख ६८ हजार ३२ मत खसेको थियो। त्यसमध्ये १ करोड ५ लाख ५९ हजार १७ मत प्रतिशत मत सदर भएको थियो ।
निर्वाचन आयोगले अबको दुई दिन भित्र समानुपातिक तर्फ निर्वाचित हुने उम्मेदवारहरूको नाम छनोट गरी पेश गर्न दलहरूलाई पत्राचार गरिसकेको छ ।
