दाङ, माघ ९ । सल्यानमा दुई जनाले आफ्नो उम्मेदवारी फिर्ता लिएका छन् ।
प्रगतिशील लोकतान्त्तिक पार्टी बाट गत मंगलबार उम्मेदवारी दर्ता गराएका सन्तोषकुमार राई र आम जनता पार्टीका मानसिंगे कामीले शुक्रबार आफ्नो उमेदवारी फिर्ता लिएका हुन ।
राईले नेकपा (एमाले)का उम्मेदवार गुलाबजंग शाहलाई सघाउन उम्मेदवारी फिर्ता लिएको बिज्ञप्ति मार्फत जानकारी दिएका छन् । कामीले भने केही खुलाएका छैनन् ।
सल्यानमा २ जनाले उम्मेदवारी फिर्ता लिए संगै अब १४ जनाका बीचमा प्रतिष्पर्धा हुने निश्चित भएको छ ।
फागुन २१ गते हुने प्रतिनिधिसभा सदस्य निर्वाचनका लागि मंगलबार सल्यानमा २ स्वतन्त्रसहित १६ जनाको उम्मेदवारी परेको थियो ।
प्रकाशित मिति : २०८२ माघ ९ गते शुक्रवार
