दाङ, साउन १०। रुकुम पश्चिमस्थित भेरी नदीमा टिपरसहित खसेका तीन जना मध्य रुकुम पूर्वका जेसिबी चालकको शब पनि सुर्खेतमा फेला परेको छ ।
रुकुम पूर्वको सिस्ने गाउँपालिका – ८ स्यालापाखाका जेसिबी चालक २० बर्षीय हरि बिकको शब फेला शुक्रबार फेला परेको थियो ।
भेरी गंगा नगरपालिका – २ खोजीस्थित भेरी नदीमा फेला परेको बिकको शबको शनिबार बिहान १० बजेतिर उनका बाबुले सनाखत गरेको परेको रुकुम पश्चिमका प्रहरी प्रमुख डिएपपी प्रमेश बिष्टले जानकारी दिए ।
सुर्खेतको भेरी गंगा नगरपालिका – २ खोजीस्थित भेरी नदीमा शुक्रबार नै दाङ निवासी टिपरका चालक मनिराम चौधरीको शब फेला परेको थियो ।
दुबै जनाको शब घटनास्थलदेखि झन्डै ६० किलोमिटर भन्दा टाढा फेला परेको हो । अझैं टिपरसहित भेरीमा खसेका मध्य रुकुम पश्चिम सानिभेरी गाउँपालिका – ३ का धनविर बराइलीको अवस्था भने अज्ञात छ ।
रुकुम पश्चिम प्रहरी र जाजरकोट प्रहरीले मिलेर उनीहरुको खोजी गरिहेका छन् । भेरी नदीमा पानीको बहाब बढेका कारण खोजी कार्यमा कठिनाइ उत्पन्न भएको प्रहरी अधिकारीहरुले बताएका छन् ।
साउन ६ गते बेलुका पौने ८ बजेतिर रा १ क १५०१ नम्बरको टिपरसहित रुकुम पश्चिमको आठबीसकोट नगरपालिका –१४ पिपलचौरस्थित भेरी नदीमा तीन जना भेरी नदीमा खसेका थिए ।
टिप्पर जाजरकोट डोल्पा भेरी करिडोर सडकखण्ड अन्तरगत जाजरकोटको नलगाड नगरपालिका – ११ चिसापानीबाट वडा नं. १४ को छेपारे तर्फ जाँदै थियो ।
टिपर भने बुधबार बेलकी खसेको ठाउँ भन्दा झन्डै ५ सय मिटर दक्षिणमा फेला परेको थियो ।
