दाङ, जेठ १४ । पहिरोका कारण राप्ती राजमार्ग पूर्ण रूपमा अवरुद्ध भएको छ ।
राजमार्गको सल्यान–दाङ खण्ड अन्तर्गत कपुरकोट गाउँपालिका–३ स्थित चोर खोलामा गएरातिको बर्षा पछि झरेको पहिरोले सडक खण्ड अवरुद्ध भएको हो ।
बुधवार बिहान करिब ४ः४० बजेतिर सडक माथिबाट खसेको पहिरोले सडक खण्ड पुर्ण रूपमा अवरुद्ध भएको सल्यानका प्रमुख डिएसपी केशर न्यौपानेले बताए ।
पहिरो हटाउन एक्स्काभेटर प्रयोग भएको छ । राप्ती राजमार्ग स्तरबृद्धिका लागि प्रयोग भएको जेसिबीले पहिलो हटाउने काम गरि रहेको छ ।
पहिरोले राजमार्ग अवरुद्ध भएपछि यात्रा रोकिएका छन् । साना सवारी साधन भने बैकल्पिक कपुरकोट– लामीडाँडा र कपुरकोट– पाखापानी साततले हुँदै पठाइएको छ ।
प्रकाशित मिति : २०८२ जेष्ठ १५ गते बुधवार
