दाङ, वैशाख ८ । बाँकेको नेपालगञ्जबाट ठूलो परिमानमा ब्राउन सुगरसहित प्रहरीले दुई युवालाई पक्राउ गरेको छ ।
बाँकेको नेपालगञ्जमा चेकजाँचका क्रममा ७० ग्राम ५२० मिली ग्राम ब्राउन सुगरसहित दुइ युवा पक्राउ परेको प्रहरीले जानकारी दिएको छ ।
पक्राउ पर्नेमा नेपालगञ्ज उपमहानगरपालिका – १६ का ३१ बर्षीय जुमाइ सिद्धिकी र १९ बर्षीय समिर बेहेना रहेका छन् ।
उनीहरुलाई प्रहरीले नेपालगञ्ज – २१ स्थित सडक किनारमा हिडिरहेको समयमा पक्राउ गरेको थियो ।
जिल्ला प्रहरी प्रबक्ता डिएसपी दिपक पातलीले शंकाष्पद अवस्थामा हिडिरहेका उनीहरुलाई खानतलासी लिने क्रममा ब्राउन सुगर बरामद भएको बताए ।
जिल्ला अदालतबाट म्याद थप भइ पक्राउ परेकाहरु माथि थप अनुसन्धान भइ रहेको प्रहरीले बताएको छ ।
प्रकाशित मिति : २०८२ जेष्ठ ९ गते बिहिवार
