तुलसीपुर, चैत १६ । तुलसीपुरमा भान्सामा खाना पकाउने क्रममा कपडामा आगो सल्किदा एक महिला गम्भिर जलनमा परेकी छन् ।
तुलसीपुर उपमहानगरपालिका – ३ गोठीखोलाकी ६० बर्षीया गोमा वलीले आफ्नै घरमा शनिबार बिहान पौने ९ बजेतिर खाना पकाउँदै गर्दा कपडामा आगो सल्किएपछि जेलेर घाइते भएकी हुन ।
वलीको ढाड, पेट, तिघ्रा लगाएतका भागमा गम्भीर जलन भएको इलाका प्रहरी कार्यालय तुलसीपुरका प्रहरी प्रबक्ता प्रहरी निरीक्षक सुर्य राना मगरले बताए । प्रहरीका अनुसार वलीको झन्डै ३० प्रतिसत भाग जलन भएको छ ।
जलनमा परि गम्भीर घाइते अवस्थाकी वलीलाई उपचारका लागि तुलसीपुरस्थित राप्ती प्रादेशिक अस्पताल ल्याइएको छ ।
प्रकाशित मिति : २०८१ चैत्र १६ गते शनिवार
