तुलसीपुर , फागुन २ । शान्तिनगर गाउँपालिका –४ जुम्लेकुलाका २२ बर्षीय चन्द्रप्रकाश नाथ १४ बर्षीया बालिकालाई बलात्कार गरेको आरोपमा पक्राउ परेका छन् ।
प्रहरीले उनलाई फागुन १ गते पक्राउ गरेको थियो ।
नाथमाथि माघ ३० गते बेलुकी साढे ६ बजेतिर स्थानीय गब्दवास्थित रानी वनको जंगलमा हिडिरहेको समयमा एक जना १४ बर्षीया बालिकालाई एक्कासी पछाडिवाट घाँटीमा समातेर धम्काएर जंगलमा लगि बलात्कार गरेको आरोप लागेको छ ।
बालिकाकी आमाले फागुन १ गते इलाका प्रहरी कार्यालयमा चन्द्रप्रकाश नाथका बिरुद्ध जाहेरी दिएपछि आरोपित नाथलाई पक्राउ गर्नु परेको इप्रका तुलसीपुरका प्रहरी प्रबक्ता प्रहरी निरीक्षक सुर्य राना मगरले जानकारी दिए ।
उजुरी पछि इप्रका तुलसीपुरका प्रहरी निरीक्षक बिनोद खत्री नेतृत्वको टोलीले नाथलाई नियन्त्रणमा लिइएको थियो । जिल्ला अदालतले सात दिन प्रहरी हिरासतमा राखेर घटना अनुसन्धान गर्न अनुमति दिएको प्रहरीले जानकारी दिएको छ ।
