दाङ, माघ १९ । प्यूठानमा धारिलो हतियार प्रहार गरि एक जेष्ट नागरिकको हत्या भएको छ ।
जिल्लाको गौमुखी गाउँपालिका – ५ का ६९ बर्षीय चिन्तामणि उपाध्यायको हत्या भएको अबस्थामा शुक्रबार बिहान ९ बजेतिर शब फेला परेको थियो ।
जिल्ला प्रहरी प्रबक्ता प्रहरी निरीक्षक केशव केसीका अनुसार स्थानीय खुमबाट नारिकोट जाने भित्री बाटोमा हत्या गरिएको अवस्थामा शब फेला परेको थियो ।
उपाध्याको अनुहारमा गहिरो घाउ खत रहेको थियो । उनी माथि घरेलु हतियार वा कुनै गह्रौं बस्तुले प्रहार भएको हुन सक्ने प्रहरी निरीक्षक केसीले बताए ।
प्रहरीले केही ब्यक्तिलाई घटना अनुसन्धानका लागि नियन्त्रणमा लिएको जिल्ला प्रहरी प्रमुख डिएसपी दिपेश बस्यालले जानकारी दिए ।
प्रकाशित मिति : २०८१ माघ १९ गते शनिवार
