तुलसीपुर, माघ १३ । तुलसीपुर उपमहानगरपालिका – ५ बिपी चोकस्थित एनएमबी बैंकको शाखा कार्यालयमा चोरीको प्रयास गर्दै गर्दा २७ बर्षीय सञ्तोष चौधरी मध्य राति पक्राउ परेका छन् ।
तुलसीपुर – १८ दुधरासका चौधरीलाई आइतबार बिहान २ बजेतिर इलाका प्रहरी कार्यालय तुलसीपुरका प्रहरी प्रबक्ता प्रहरी निरीक्षक विनोद खत्री नेतृत्वको टोलीले पक्राउ गरेको थियो ।
एनएमबी बैंकमा ताला फोडी कोलियाबाट भित्र प्रबेश गरि चोरीको प्रयास गरि रहेका चौधरीलाई प्रहरीले नियन्त्रणमा लिएको थियो ।
चौधरीको साथबाट हथौडा, छिनो, पिलास, ह्वाक्सा बिलेड लगाएतका सामाग्रीपनि बरामद भएको प्रहरी निरीक्षक खत्रीले जानकारी दिए ।
साथै चौधरीले प्रयोग गरेको रा ५ प ९७९ नम्बरको स्कुटीपनि प्रहरीले नियन्त्रणमा लिएको छ ।
तुलसीपुरको मुख्य बजार क्षेत्र बिपी चोक नजिकैको बैंक शाखामा चोरीको प्रयास भइ रहेको कुरा थाहाँ पाएपछि स्थानीयले नजिकको इप्रकामा नगरी २४ किलोमिटर टाढाको जिल्ला प्रहरी कार्यालय घोराहीमा सूचना दिएका थिए ।
त्यो सूचनाका आधारमा जिप्रकाले इप्रकालाई चोरीको प्रयास भइ रहेको ठाउँमा जान भनेर मध्य राति नै खटाएको थियो ।
त्यसपछि बल्ल इप्रका तुलसीपुरबाट प्रहरी निरीक्षक खत्रीको नेतृत्वमा प्रहरी परिचालन भएको थियो ।
