दाङ, माघ ५ । साइकलमा सवार एक ब्यक्तिलाई चेकजाँचका क्रममा कपिलवस्तु प्रहरीले स्रोत नखुलेको १५ लाख ७० नगद बरामद गरेको छ ।
पक्राउ पर्नेमा मायादेवी गाउँपालिका – ७ बसन्तपुरका ३० वर्षीय निरजकुमार मिश्र छन् ।
बिहीबार इलाका प्रहरी कार्यालय पकडीबाट खटिएको टोलीले चेकजाँचका क्रममा मिश्रले साथमा बोकेको झोलाबाट उक्त रकम बरामद भएको कपिलबस्तुका प्रहरी प्रबक्ता डिएसपी मोहनमणि अधिकारीले जानकारी दिएका छन् ।
एक हजारका आठ लाख ९० हजार र पाँच सयका ६ लाख ६० हजार, एक सयका १८ हजार, ५० का दुई हजार गरी १५ लाख ७० हजार रुपैयाँ बरामद भएको डिएएसपी अधिकारीले बताएका छन् ।
प्रहरीले उनी हुण्डी कारोबारी भएको आशंका गरेको छ । सोही शिर्षकमा मुद्दा चलाएर अनुसन्धान भइ रहेको प्रहरीले जानकारी दिएको छ ।
प्रकाशित मिति : २०८१ माघ ५ गते शनिवार
