दाङ, कात्तिक २८ । कपिलबस्तु प्रहरीले पाँच बर्ष पछि अपहरण मुद्दाका एक जना फरार प्रतिबादीलाई पक्राउ गरेको छ ।
मंगलबार बिहान साढे ३ बजे घरमा सुतिरहेका शिवराज नगरपालिका – ४ चनैका ३८ बर्षीय अब्दुल मुस्ताफ मियालाई वडा प्रहरी कार्यालय चन्द्रौटाबाट प्रहरी निरीक्षक सुजन शाहको कमाण्डमा खटिएको टोलीले पक्राउ गरेको हो ।
अपहरण मुद्दामा दोषी ठहर गर्दै मियालाई कपिलबस्तु जिल्ला अदालतले २०७६÷०३÷०२ गते १ बर्ष ५ महिना २ दिन कैद र १५ हजार जरिवनाको फैसला सुनाएको थियो ।
मंगलबार नै पक्राउ पछि उनलाई अदालतमा पेश गरिएको थियो । अदालतको आदेश अनुसार तोकिएको काराबास सजाय र जरिवाना अशुलउपर गर्न उनलाई कारागार चलान गरिएको छ ।
प्रकाशित मिति : २०८१ कार्तिक २८ गते बुधवार
