दाङ, कात्तिक २६ । बागलुङ सोमबार बिहान भएको पिकअप भ्यान दुर्घटनामा परि पाँच जनाको मृत्यु भएको छ । एक जना घाइते भएका छन् ।
मृत्यु हुनेमा जिल्लाको जैमिनी नगरपालिका – ८ केवई का गाडी चालक ३८ वर्षीय महेन्द्र पुन, २० वर्षीया रश्मी श्रीष, १७ वर्षीय निरज श्रीष, ७५ वर्षीय कुलप्रसाद श्रीष र ५० वर्षीय नन्दकली पुन रहेको जिल्ला प्रहरी कार्यालय बाग्लुङले जानकारी दिएको छ ।
दुर्घटनामा सोही ठाउँका ४५ वर्षीय गंगाबहादुर श्रीष घाइते भएका छन् । उनको अवस्था मध्यम रहेको प्रहरीले जानकारी दिएको छ।
ग २ च ९२४७ नम्बरको पिकअप भ्यान जैमिनी नगरपालिका – ७ मा भ्यान दुर्घटनामा परेको थियो । उक्त भ्यान सदरमुकाम बागलुङ बजार जाँदै थियो । गाडी सडकदेखि झन्डै एक सय मिटर तल खसेको प्रहरीले बताएको छ ।
प्रकाशित मिति : २०८१ कार्तिक २६ गते सोमवार
