दाङ,भदौ १३ । बाँकेमा भएको यात्रु बहाक बस दुर्घटनामा परि २७ जना यात्रु घाइते भएका छन् भने घाइते मध्य दुई जनाको अवस्था गम्भीर छ ।
दाङबाट नेपालगञ्ज तर्फ जाँदै गरेको भे १ ख २१२८ नम्बरको बस कोहलपुर नेपालगञ्ज सडक खण्डको कोठापुर भन्ने स्थानमा बिहान सवा ११ बजेतिर अनियन्त्रित भइ दुर्घटनामा परेको जिल्ला प्रहरी प्रमुख एसपी तुलबहादुर कार्कीले बताए ।
जानकी गाउँपालिका ६ कोठारपुरमा बस सडक खण्डमै पल्टिएको थियो ।
घाइतेलाई उद्धार गरि अस्पताल पठाइएको जिल्ला प्रहरी प्रबक्ता नारायण डाँगीले बताए । बस चालकलाई प्रहरीले नियन्त्रणमा लिएको छ ।
प्रकाशित मिति : २०८१ भाद्र १३ गते बिहिवार
