तुलसीपुर, भदौ ९ । छुट्टा छुट्टै दुर्घटनामा एकै दिन दूई बालक गम्भीर घाइते भएका छन् ।
अटोको ठक्करबाट तुलसीपुर उपमहानगरपालिका – १० की ३ बर्षीया काब्या पुन गम्भीर घाइते भएकी छन ।
तुलसीपुर बजारबाट तुलसीपुर – ११ कटाँहा तर्फ जाँदै गरेको रा १ ह १९५३ नम्रबको अटोले आइतबार बेलुकी साढे ५ बजेतिर तुलसीपुर – १० मा मनोज पुनकी छोरी काब्यालाई ठक्कर दिएको थियो ।
बालिकाको अवस्था गम्भीर रहेको इलाका प्रहरी कार्यालय तुलसीपुरका प्रहरी प्रबक्ता प्रहरी निरीक्षक प्रकाश थापाले बताए । घाइते बालिकालाई तुलसीपुरस्थित राप्ती प्रादेशिक अस्पतालमा प्रारम्भीक उपचार पछि थप उपचारका लागि करिब ७ बजेतिर बाँकेको नेपालगञ्जस्थित नर्सिङ होमका लागि रिफर गरिएको छ ।
अटो चालक प्रहरीको नियन्त्रणमा छन् ।
त्यस्तै दंगीशरण गाउँपालिका – ६ बागरमा मोटरसाइकलको ठक्करबाट ११ बर्षीय आहोन डाँगी घाइते भएका छन् ।
तुलसीपुर तर्फ आउँदै गरेको रा ७ प ८७२२ नम्बरको मोटरसाइकलले बालक डाँगीलाई बेलुकी ५ बजेतिर ठक्कर दिएको थियो । घाइते बालकको अवस्था मध्यम रहेको र तुलसीपुरमै उपचार भइ रहेको प्रहरीले जानकारी दिएको छ । मोटरसाइकल चालक प्रहरी नियन्त्रणमा छन् ।
