दाङ, भदौ ४ । रोल्पामा मंगलबार भएको अटो दुर्घटना हुँदा तीन जना घाइते भएका छन् ।
मंगलबार मध्यान्ह १२ बजेतिर रोल्पा नगरपालिका – २ माडी पुलमा लिवाङदेखि माडीचौर तर्फ जाँदै गरेको रा १ ह ६१८४ नम्बरको अटो अनियन्त्रित भइ पुलमा ठोक्किदा चालकसहित तीन जना घाइते भएका हुन ।
घाइते हुनेमा अटोचालक रोल्पा नगरपालिका – ४ का ३२ बर्षीय मनिष बिक, रोल्पा – ६ कोटगाउँका ३० बर्षीय कुलबहादुर बिक र सोही ठाउँकी ४५ बर्षीया सीता बिक रहेको जिल्ला प्रहरी प्रबक्ता प्रहरी निरीक्षक केशबराज बराकोटीले बताए ।
प्रहरीका अनुसार घाइते मध्य चालक मनिषको बाँया कुमको हड्डी भाँचिएको छ भने सीताको बाँया हात भाँचिएको छ । । त्यस्तै कुलबहादुरको घुडा र आँखामा चोट रहेको छ ।
उनीहरु सबैको जिल्ला अस्पताल रेउघामा उपचार जारी रहेको छ ।
प्रकाशित मिति : २०८१ भाद्र ४ गते मङ्गलवार
