दाङ, भदौ ४ । सवारी दुर्घटनाका घाइते हुम्लाको सर्केगाड गाउँपालिका उपाध्यक्ष चन्द्रसिंह कार्कीको उपचारका क्रममा मृत्यु भएको छ ।
कार्कीको उपचारको क्रममा मंगलबार बिहान २ बजेतिर बाँकेको नेपालगञ्जमा मृत्यु भएको प्रहरीले जानकारी दिएको छ ।
उपाध्यक्ष सवार कर्णाली प्रदेश–२–००१ ख १०११ नम्बरको हायस माइक्रो सुर्खेतबाट नेपालगञ्ज जाँदै सोमबार सवारी भेरीगंगा नगरपालिका – ५ मा दुर्घटनामा परेको थियो ।
कार्की गत स्थानीय तह निर्वाचनमा नेकपा (माओवादी केन्द्र) बाट निर्वाचित भएका थिए।
माइक्रो दुर्घटनामा १४ जना घाइते भएका थिए । अन्य सबै घाइतेको अवस्था सामान्ने रहेको प्रहरीले जानकारी दिएको छ ।
प्रकाशित मिति : २०८१ भाद्र ४ गते मङ्गलवार
