नुवाकोट,साउन २३ । नुवाकोटको शिवपुरी गाउँपालिका वडा नम्बर ७ सूर्यचौरमा एयर डाइनेस्टीको हेलिकप्टर दुर्घटनामा पर्दा त्यसमा सवार चार चिनियाँ र पाइलटको ज्यान गुमेको छ।
प्रहरीका अनुसार हेलिकप्टरमा सवार पाँचै जनाको शव घटनास्थलमा भेटिएको छ।
त्रिभुवन अन्तर्राष्ट्रिय विमानस्थलबाट १ बजेर १४ मिनेटमा उक्त हेलिकप्टर स्याफ्रुबेसीतर्फ उडेको थियो।
नुवाकोटमा प्रजिअ रामकृष्ण अधिकारीका अनुसार घटनास्थलको उद्धारमा प्रहरी र स्थानीय खटिएका छन्।
उक्त हेलिकप्टर केही विदेशी लिएर फेरि स्याफ्रुबेसीबाट काठमाडौँ आउने गरी त्यसतर्फ उडेको थियो।
हेलिकप्टर क्याप्टेन अरुण मल्लले चलाएका थिए। स्थानीयले डाँडामा धुँवा देखेर प्रहरीलाई खबर गरेको प्रहरीले जानकारी दिएको छ।
प्रकाशित मिति : २०८१ साउन २३ गते बुधवार
