तुलसीपुर, साउन २३ । दाङको तुलसीपुरमा मंगलबार बेलुका मोटरसाइकलले पैदलय यात्रुलाई ठक्कर दिदा दुई किशोर घाइते भएका छन् ।
पैदल यात्रु तुलसीपुर उपमहानगरपालिका – ६ का १६ बर्षीय निकेश चौधरी र चालक तुलसीपुर – ९ का १६ बर्षकै आनन्द चौधरी घाइते भएका छन् ।
इलाका प्रहरी कार्यालय तुलसीपुरका प्रबक्ता प्रहरी निरीक्षक प्रकाश थापका अनुसार पैदल यात्रु निकेशको अवस्था मध्यम छ भने ठक्कर दिने आनन्दको अवस्था सामान्ने छ ।
टरिगाउँ एयरपोर्ट बाट तुलसीपुर बजार तर्फ आउँदै गरेको रा ७ प ६२४९ नम्बरको मोटरसाइकलले तुलसीपुरको गुम्ह्राचोकमा बेलुका ८ बजेतिर पैदल यात्रु निकेशलाई ठक्कर दिएको थियो ।
दुबै घाइतेको तुलसीपुरमै उपचार जारी छ । चालक आनन्दको साथमा सवारी चालक अनुमति पत्र फेला नपरेको प्रहरीले जानकारी दिएको छ ।
प्रकाशित मिति : २०८१ साउन २३ गते बुधवार
