तुलसीपुर , साउन २० । दाङमा भएको जीप दुर्घटनामा परि सात जना घाइते भएका छन् ।
आइतबार बेलुकी साढे ७ बजे तुलसीपुर बाट सल्यान तर्फ जाँदै गरेको रा १ ज ७७० नम्बरको जीप आँफै अनियन्त्रित भइ शान्तिनगर गाउँपालिका – १ हाँडीचारमा दुर्घटना हुँदा सात जना घाइते भएका हुन ।
घाइते मध्य सल्यान जिल्लाको त्रिबेणी गाउँपालिका – ३ टाड्केका ४६ बर्षी यमबहादुर केसीको अवस्था गम्भीर रहेको छ । टाउको र छातिमा चोट ग्रस्त उनको राप्ती प्रादेशिक अस्पताल तुलसीपुरमा उपचार जारी छ ।
उक्त दुर्घटनामा परि सोही ठाउँकी एश्वर्य केसी, ४५ कै पार्वती केसी घाइते छन् । उनीहरु दुबैका अवस्था मध्यम रहेको प्रहरीले जानकारी दिएको छ ।
दुर्घटनामा परि सल्याण त्रिवेणी – ३ कै ३४ बर्षीया रेखा वली, सोही वडाकी ३१ बर्षीया रोजिका वली, रुकुम पश्चिम जिल्लाको त्रिबेणी गाउँपालिका – ३ की २५ बर्षीया शरिता खड्का र लम्जुङ जिल्लाको मध्य नेपाल नगरपालिका – ७ की २४ बर्षीया लिला बास्तोता घाइते भएको इलाका प्रहरी कार्यालय तुलसीपुरका प्रबक्ता प्रहरी निरीक्षक प्रकाश थापाले बताए ।
घाइते सबैको तुलसीपुरमै उपचार जारी छ ।
जीप अनियन्त्रित भइ दुर्घटनामा परेको प्रहरीले जानकारी दिएको छ ।
